काठमाण्डौः मध्यमार्गी धारमा रहेका नेकपामा नेता एवं गृहमन्त्री रामबहादुर थापा ’बादल’ले आफ्नो समूहका नेताहरुसँग मन्त्रीक्वाटर पुल्चोकमै बैठक बसेका छन् ।
सात जना मन्त्रीले सामुहिक राजिनामा दिदा राजिनामा नदिएका बादल प्रधानमन्त्री ओलीको कित्तामा उभिएको भनिएका बादल प्रधानमन्त्रीले डाकेको बैठकमा नगई आफैले बैठक बोलाएका हुन् ।
बालुवाटार र संसद भवन दुवैतर्फको भेलामा नगइ पुल्चोकमा बसिरहेका बादलले आफूनिकट नेताहरुसँग भावी रणनीतिका लागि छलफल गरिरहेका छन् । जहाँ बादलसहित ४० जना बढी नेताहरु जम्मा भएका छन् ।
भेलामा नेताहरु पम्फा भुषाल र देव गुरुङ सहित १२ जना सांसद र ३० जना बढी केन्द्रीय सदस्य सहभागी भएको बताईएको छ ।
