चितवन : नेपाली काग्रेस चितवनका नेताहरुले भरतपुर कोरोना अस्पतालमा भएको चोरी र अनियमिताका बिषयमा अहिले सम्म पनि ठोस काम हुन नसक्नु लज्जाको बिषय भएको बताएका छन् । उनिहरुले प्रत्यक्ष चोरीका घटनामा संलग्न कर्मचारीहरु माथी निलम्वन समेत नहुनु दुखद्् बिषय भएको बताए ।
नेपाली काँग्रेस चितवनका सभापति जितनारायण श्रेष्ठले चोरी कार्यमा संलग्नहरु माथी कारवाही गर्न आलटाल गर्नुबाट सत्तापक्षको नियत ठिक छैन भनेर निष्कर्ष निकाल्न सकिने बताए । उनले भने,“चोरीमा संलग्न कर्मचारीहरु निलम्वनमा समेत नपर्नु आश्चर्यजनक छ , यसले छानविनको बाटो प्रसस्त गर्देन । ” श्रेष्ठले तत्काल आरोपितहरुलाई निलम्वन गरेर दु्रत गतिमा छानविन गर्न माग गरे । श्रेष्ठले भने,“हामीले जिल्ला प्रशासनमा ज्ञापन पत्र समेत बुझाएका छौं , छानविन हुन्छ भनिएको छ , तर सन्तोषजनक काम छैन । सभापति श्रेष्ठले चोरी काण्ड र अनियमितताका सवालमा महानगरपालिकाले आलटाल गरेको भन्दै तत्काल परिणाम दिने गरि काम गर्न माग गरे ।
नेपाली काँग्रेस चितवनका भातृसस्थाहरु अहिले सडक आन्दोलनमा छन् । नेविसंघ र तरुणदलले भरतपुर कोरोना अस्पतालमा भएको चोरी प्रकरणका दोषी लाई कारवाही र त्यहाँ भएको अनियमितताका बारेमा तत्काल सत्य तथ्य सार्वजनीक माग गर्दे सडक प्रर्दशन गरेका छन् । महिला संघले आईतबार प्रर्दशन गर्देछ । यसअघि भरतपुर महानगरमा प्रतिनिधित्व गर्ने काग्रेसबाट निर्वाचित वडाअध्यक्षहरुले तत्काल दोषीलाई कारवाही गर्न माग गर्दै महानगर प्रम्ख रेणु दाहाललाई ज्ञापन पत्र बुझाएपनि अहिले सम्म ति कर्मचारी निलम्वनमा समेत परेका छैनन् ।
भरतपुर कोरोना अस्पताल चोरी प्रकरण र त्याहाँ भएको अनियमितताका बारेमा धेरै कुरा बाहिर आएपछि शनिवार साँझ नेपाली काँग्रेस चितवनका पुर्व सभापतिहरु , बर्तमान सभापति , पदाधिकारीहरु , काग्रेसबाट निर्वाचित सांसदहरु , पुर्व सांसदहरु , उपलब्ध महासमिति सदस्यहरु लगायतको अनौपचारिक बैठक पनि बसेको थियो । सो बैंठकमा सहभागी काँग्रेस जिल्ला सचिव राजिव न्यौपानेका अनुसार तत्काल भरतपुर कोरोना अस्पतालमा भएको चोरी , अनियमिताका सवालमा स्पष्ट रुपमा कारवाही र सतयतथ्य सार्वजनीक हुनुपर्ने निष्कर्ष नेताहरुले निकालेका थिए । यसका लागि पार्टी शशक्त रुपमा अघि बढ्ने समेत सो बैठकको निष्कर्ष थियो । पुर्व सभापति रामकृष्ण घिमिरेको निवासमा भएको बैठकमा बर्तमान नेकपा सरकारका गतिविधिहरु , सरकारी तबरबाट बितरण गरिएको राहत र त्यसबाट उत्पन्न व्यापक जन गुनासो लगायतका बारेमा छलफल भएको न्यौपानेले बताए । उनले भने,“सबैले एकमतका साथ कारवाही र अनियमिताका सवालमा तत्काल दु्रत गतिमा छानविन आबश्यक छ भने निष्कर्ष निकाल्यौं ।” न्यौपानेले राहत बितरण कै क्रममा पनि कतिपय स्थानबाट गुनासो आईरहेको भन्दै त्यसलाइ समान र पारदशीृ बनाउन आबश्यक रहेको बताए । उनले भने,“ धेरे कुराहरु अपारदर्शी छन् त्यसलाइ सच्च्याएर अघि बढ्न पर्छ । ” उनले कोरोना अस्पतालका बारेमा सार्वजनीक अडिट गर्न आवश्यक रहेको बताए । न्यौपानेले भने,“ यतैि चित्त बुझाउने अबस्था छैन , सार्वजनकि अडिट हुनुपर्छ र संलग्न सबैलाइृ कारवाही हुन आबश्यक छ । ”
नेपाली काँग्रेस चितवनका पु्र्व सभापति रामकृष्ण घिमिरेले कारवाही र अनियमिताको सवालमा गर्नपर्ने छानविनको सन्र्दभमा भएको ढिलासुस्ती रहस्यमय भएको बताए । उनले भने,“ त्याहाँ अनियमिता छ भन्ने कुरा प्रष्ट छ , चोरी त सबैले देखेकै कुरा भयो । तर पनि आलटाल हुनु रहस्यमय छ । ” घिमिरेले कोरोना अस्पतालमा भएको छानविन अखितयारले गरिरहेको सन्र्दभमा पनि विश्वास गर्न सकिने आधार नभएको बताए । उनले भने, .“अहिले सबै संबैधानिक निकायमा यो सरकारले हस्तक्षेप गरिरहेको छ , अख्तियारमा पनि सरकारको प्रभाव छ । यस्तो बेलामा स्वतन्त्र छानविन आबश्यक छ ।” घिमिरेले यस्तो महामारीका बेलामा अनियमितता गर्नु राष्ट्रघात भएको बताए । उनले तत्काल सत्यतथ्य बाहिर ल्याउन माग गर्दै यदी आलटाल गरे त्यसको गम्भिर परिणाम भोग्न तयार रहन चेतावनी दिए ।
नेपाली काँग्रेस चितवनका पुर्व सभापति टेकप्रसाद गुरङ्गले यस्तो गम्भिर बिषयमा पनि आलटाले प्रवृत्ती देखिनु गम्भिर भएको बताए । उनले भने,“अहिले चोरी काण्ड बाहिर आयो, अनि पो धेरै कुरा उठे त , नत्र गुपचुपमा धेरे अनियमितता भएको रहेछ ।” काँग्रेसले यस्तो संकटका बेलामा पनि अनियमितता गर्ने र चोरी गर्नेलाइ कारवाही गर्नका लागि आफ्नो सबै शक्ती प्रयागे गर्ने उनले बताए । उनले भने,“यो गम्भिर अपराध हो , तत्काल दोषी माथी कारवाही आबश्यक छ, , नत्र सडक आन्दोलन गर्नुको विकल्प हुँदैन ।” गुरङ्गले यस सन्र्दभमा काँग्रेसले निरन्तर सवाल उठाईरहने बताए ।
काँग्रेस चितवनका सचिव उत्तम जोशीले अहिले समम पनि चोरीमा संलग्न कर्मचारी निलम्वनमा नपर्नु र अनियमिताका सवालमा सत्य तथ्य वाहिर नआउनु लज्जाको बिषय भएको बताए । उनले भने,“काँग्रेस चितवनमा यस बिषयमा एक मत छ , जसरी पनि यो सवालमा छानविन हुनैपर्छ र दोषी उम्कन हुँदैन । ” चितवन काँग्रेसका भातृसस्थाहरुले सडक प्रर्दशन सुरु गरेको भन्दै तत्काल ठोस परिणाम नआए अझै शशक्त तवरले अघि बढ्ने उनले बताए । काँग्रेस चितवनले सोमबार पदाधिकारीहरुको बैठक बोलाएको छ । नेपाली काँग्रेस चितवनले दोषीलाई कारवाही गर्न माग गर्दै जिल्ला प्रशासन कार्यालयमा ज्ञापन पत्र बुझाएको आईतबार ६ दिन पुगिसकेको छ । जिल्ला प्रशाशन कार्यालय चितवनले कोरोना अस्पतालमा भएको चोरी काण्डबारे छानविन भइरहेको जानकारी दिएको छ । अखितयार दुरुपयोग अनुसन्धान आयोगले अस्पतालमा भएको अनियमिताका बारेमा अनुसन्धान गरिरहेको छ ।
