नवलपुर : नेपाली काँग्रेसका केन्द्रीय सदस्य एवम् पुर्वमन्त्री एनपी सावदले नेपाली काँग्रेसको महाधिवेशन तोकिएको समयमा हुन नसक्ने बताउनुभएको छ । उहाँले अब फागुनमा महाधिवेशन गर्न संभव नभएको भन्दै भदौ अगाडी महाधिवेशन गर्ने गरि तयारी सुरु भएको बताउनुभयो ।
नेपाली काँग्रेस नवलपुले आयोजना गरेको कायृकर्ता भेटघाट कार्यक्रमलाई सोमबार कावासोतीमा संबोधन गर्दै नेता सावदले भन्नुभयो,“ कोरोना महामारीका कारण आबश्यक तयारी गर्न सकिएन , त्यसकारण अब फागुनमा महाधिवेशन गर्न सकिदैंन । तर भदौ भन्दा अघि महाधिवेशन गर्ने पर्छ ।” उहाँले भदौ पछि पनि बिभिन्न बहानामा महाधिवेशन सार्न खोजिए त्यसले पार्टीलाई अप्ठायारो पर्ने भन्दै भदौ अघि महाधिवेशन गर्न आबश्यक रहेको बताउनुभयो । “महामारीका कारण तालिका अनुसार काम हुन सकेन , यसले महाधिवेशनलाई प्रभावित ग¥यो , अब तिव्रताका साथ महाधिवेशनको तयारी थाल्नुपर्छ ।” उहाँले भन्नुभयो ।
पार्टी भित्र बिभाग गठनका बिषयलाई लिएर भएको विवाद सामान्य भएको भन्दै उहाँले यसमा विवाद गर्न आबश्यक नरहेको बताउनुभयो । “ सभापपतिले बिभाग गठन गर्ने प्रष्ट बिधानमा उल्लेख छ , सबैलाई समेटेर बिभाग बनाउने प्रयास भएको छ । अव विवाद गर्न आबश्यक छैन ।” सावदले भन्नुभयो । सावदले बर्तमान कम्युनिष्ट सरकारले गरेको सबै कुकर्मको भण्डाफोर गर्दे अबका दिनमा काँग्रेस एकजुट भएर अघि बढ्न आबश्यक रहेको बताउनुभयो । उहाँले बर्तमान सरकार पुरै असफल भएको टिप्पणी गर्दे अबको निर्वाचनमा विकल्पको रुपमा काँग्रेस मात्र भउको जिकिर गर्नुभयो । “ कम्युनिष्ट सरकार संग जनता आत्तिसकेका छन् , अबको निर्वाचनमा काँग्रेसनै विकल्प हो , त्यसकारण हामी अब एकजुट भएर अघि बढ्नुको विकल्प छैन ।” सावदले भन्नुभयो ।
कार्यक्रममा पुर्व मन्त्री गोविन्दबहादुर शाह , नेपाली काँग्रेस नवलपुरका सभापती एवम् प्रदेश सांसद बिष्णु प्रसाद लामिछाने , प्रदेशसभा सदस्य ओमकला गौतम लगायत नेता कार्यकर्ताहरुको सहभागीता रहेको थियो ।