नवलपरासी प्रहरीले फरक फरक ठाउँबाट अवैध निकासी–पैठारी गर्न लागेको केराउ, कपडा र मोटरसाईकल नियन्त्रणमा लिएको छ । प्रहरीले बरामद गरेको मोटरसाईकल, कपडा र केराउको जिन्सी मुल्यांकन २ लाख ३४ हजार ९ सय ५० रुपैया अनुमान गरेको छ ।
भारततर्फ लैजादै गरेको २०० किलोग्राम सेतो केराउ सरावल गाउंपालिका वडा नं.७ बर्दघाटे पुलबाट नियन्त्रणमा लिएको हो । सरावलमा प्रहरी चौकी भुजहवाबाट खटिएको प्रहरी टोलीले केराउ बरामद गरेको डिएसपी राजु लामाले जानकारी दिए । यस्तै, प्रहरीले ५५० केजी हरियो केराउ बरामद गरेको जनाएको छ ।
यता, भारतबाट अवैध रुपमा नेपाल भित्राउँदै गरेको अवस्थामा १ लाख २४ हजार ९ सय ५० मुल्य बराबरको कपडा र भारतीय नम्वर प्लेटको मोटरसाईकल समेत बरामद गरेको छ ।
प्रहरीले मोटरसाईकलको जिन्सी मुल्यांकन ५० हजार गरेको छ । नियन्त्रणमा लिईएका सबै बस्तुहरु प्रहरीले महेशपुर भन्सार कार्यालयमा बुझाएको जनाएको छ ।
