- मनिषा ढकाल
कावासोती : उच्च अदालत पोखराले नवलपुरको कावासोती स्थित शहिद स्मृति माध्यमिक विद्यालयकी निमित्त प्रअ भगवती न्यौपानेलाई पद बाट हटाउने कावासोती नगरपालिकाको निर्णयलाई तत्काल कार्यान्न्वयन नगर्न आदेश दिएको छ । अदालतले न्यौपानेलाई काममा रोक नलगाउन समेत विपक्षीहरुको नाममा बिहिबार आदेश दिएको हो ।
उच्च अदालत पोखराका कायम मुकायम मुख्य न्यायाधीश डिल्लिराज आचार्यको एकल ईजलासले कावासोती नगरपालिकाका प्रमुख बिष्णु प्रसाद भुषल सहित सबै विपक्षीहरुलाई यही फागुन २९ गते थप छलफलका लागि अदालतमा हाजिर हुन आदेश समेत दिएको छ । अदालतले न्यौपानेलाई निमित्त प्रअ भई कामकाज गर्न रोक नलगाउन र अन्य शिक्षकलाई सो पदमा नियुक्ती नगर्न समेत अल्पकालिन आदेश दिएको हो ।
यस अघि नगरपालिकाले न्यौपानेलाई सो पदबाट हटाएपछि उनि अदालत पुगेकी थिईन् । न्यौपानेको तर्फबाट अधिवक्ता श्रीधर शर्माले बहस गर्नुभएको थियो ।
