कावासोती : नवलपुरको कावासोतीमा रहेको सिदार्थ आवासीय माध्यमिक बिद्यालयले आफ्नो ३३ औं बार्षिकोत्सवको अवसर पारेर आज जेष्ठ नागरिक अभिभावक र जुम्ल्याहा बिद्यार्थीका अभिभावकहरुलाइ सम्मान गरेको छ ।
बिद्यालयले ७२ बर्ष नाघेका २ सय ५० जना जेष्ठ नागरिक अभिभावक र १३ जोडी जुम्लायहा बिद्यार्थीका अभिभावकहरुलाइृ सम्मान गरेको बिद्यालयका सस्थापक प्रिन्सिपल भोजराज दाहालले बताउनुभयो । दाहालले बार्षिकोत्सवको अवसरमा यस पटक भिन्न कार्यक्रम गर्ने योजना अनुरुप सो कार्यक्रमको आयोजना गरिएको बताउनुभयो । बिद्यालयले ७२ बर्ष पार गरेका जेष्ठ अभिावकहरुलाई सम्मान गर्न पाउँदा आफुहरुलाई अत्यन्त खुशी लागेको बताउनुभयो । उहाँले एउटै बिद्यालयमा १३ जोडी जुम्ल्याहा बच्चा अध्ययन गर्ने कुरा नौलो बिषय भएको भन्दै यसले आफुहलाई गौरव लागेको बताउनुभयो ।
कावासोती नगरपालिका वडा नम्बर ३ का वडा अध्यक्ष डोरमान गिरिको प्रम्ख आतिथ्यतामा सम्पन्न सो कार्यक्रममा पूर्व न्यायाधिष ऋषी अधिकारी बिषेष अतिथिी रहनु भएको थियो । सो कार्यक्रममा समाजसेवी कर्नेन धन बहादुर मास्की राना , लिला मास्की राना , साहित्यकार सदानन्द अभागी , कृष्णकुमारी श्रेष्ठ ,योगप्रसाद शर्मा , दुर्गाबहादुर राना लगायतको सहभागिता रहेको थियो । कार्यक्रम बिद्यालय व्यवस्थापन समितिका अध्यक्ष चन्द्रराज भुत्र्याल को अध्यक्षतामा सम्पन्न भएको थियो । सिदार्थ आवासीय माध्यमिक बिद्यालयले यही पौष ८ गते आफ्नो ३३ औं बार्षिकोत्सव भव्यताका साथ मनाउदैछ ।
