चितवन : चितवनको स्मल हेभन स्कुलले शिक्षकलाइ तलव नदिएपछि उनिहरु आन्दोलित बनेका छन् । शिक्षकहरु आन्दोलित भएसंगै बिद्यालयमा तनाव उत्पन्न भएको छ । बिद्यालयले बिद्यार्थी संग हरेक महिना पुर्ण शुल्क लिएपनि बिद्यालय व्यवस्थापनले शिक्षकहरुलाइ भने तलव दिन आनाकानी गरेपछि शिक्षक र कर्मचारीहरु आन्दोलित भएको बिद्यालयका शिक्षक ऋषी भट्टराईले सत्यकलम संग बताए ।
“बिद्यार्थीहरु संग असार देखिनै पुर्ण शुल्क उठाईएको छ , तर शिक्षकलाई भने तलव दिन आनाकानी गरेका कारण संघर्षमा जानु परेको हो । ” भट्टराईले भने । भट्टराइृका अनुसार लकडाउनको अबधीमा समेत शिक्षकहरुले नियमित अनलाईन मार्फत पढाएका थिए । “हामीले अनलाईन मार्फत नियमित पढायौं , तर तलव पाएका छैनौं । बिद्यार्थी संग असुल्ने तर शिक्षकलाई नदिने गर्न पाईन्न भन्ने हाम्रो माग हो ।” उनले भने ।
बिद्यालयले शिक्षक तथा कर्मचारीलाई बैशाख देखि भदौ सम्म तलवको २५ प्रतिशत मात्र भुक्तानी दिएको छ भने असोज महिनाको ५० प्रतिशत भुक्तानी दिएको छ । शिक्षक तथा कर्मचारीहरुले भने आफुहरुले असार देखिको पुरै तलव पाउनु पर्ने माग राखेका छन् । भट्टराईले आफुहरुको माग संबोधन नभए आईतबार देखि बिद्यालयमा तालाबन्दी गर्ने चेतावनी दिए । “ भोली सम्म कुर्छौं,माग संबोधन नभए तालावन्दी गर्ने अबस्था आउँछ । संचालकहरुले एक हप्ताको समय माग गर्नुभएको छ , हामीले लिखित प्रतिबद्धता मागेका छौं । ” भट्टराईको भनाई छ ।
सत्यकलम संगको सम्पर्कमा आएका अर्का शिक्षक उमेश शर्माले अभिभावकले संग पुरै पैसा असुल गर्ने तर शिक्षक र कर्मचारीलाई नदिने प्रवृतिले आफुहरु माथी अन्न्याय भएको बताए । उनले भने,“हामीले अनलाईन मार्फत नियमित पढायौं, बिद्यार्थी संग पैसा लिनुको मतलव शिक्षकलाई देउ भन्नु हो , तर दिईएको छैन । यस्तै रहिरहे शशक्त आन्दोलनमा जाने अबस्था आउन सक्छ ।” उनले भने ।
बिद्यालयका अभिभावक संघका सदस्य शिव पौडेलले शिक्षकहरुले तलव पाउनुपर्छ भन्ने पक्षमा आफुहरु रहेको बताए । उनले भने,“हामी शिक्षकलाई तलव दिनुपर्छ भन्ने पक्षमा छौं, हामीले पठन पाठनमा असर नगरिकन समस्या समाधान खोज्न शिक्षक र व्यवस्थापन दुबै पक्षलाई आग्रह गरेका छौं ।” उनले भने । उनले समस्या समाधानको लागि एक हप्ताको समय दिन पनि शिक्षकहरु संग आग्रह गरेको बताए । “केहि समय दिऔं , समस्या समाधान नभए हामी पनि तँपाईहरु संगै आन्दोलनमा हुन्छौं, हामीले शिक्षकहरु संग यही भनेका छौं ।” सत्यकलम संग पौडेलले भने ।
बिद्यालयका प्राचार्य गणेश थापाले शिक्षहरुको मागका बारेमा संचालक समिति संग कुरा भईरहेको बताए । उनले भने,“ संचालकहरु काठमाडौं हुनुहुन्छ , उहाँहरु पनि सकारात्मक नै हुनुहुन्छ । सायद केहि दिनमा समस्याको समाधान होला । ” थापाले भने । थापाले बिद्यार्थीहरु संग असार देखिको पुर्ण शुल्क लिएको कुरा स्विकार गरे । उनले भने,“ तलव भत्ताका बारेमा संचालक समितिले निर्णय लिनुपर्छ , त्यसबारेमा हामी छलफलमानै छौं , शिक्षक साथीहरु संग केहि दिनको समय माग गरेका छौं , कुरा मिल्छ भन्नेमा म विश्वस्त छु । ”
चितवनको कल्यापुरमा रहेको सो बिद्यालयमा शिक्षक र कर्मचारी गरि ८० जना भन्दा बढी कार्यरत छन् । सो बिद्यालयका मुख्य संचालक बिघटित प्रतिनिधिसभाका सदस्य उमेश श्रेष्ठ हुन् ।
